«Ұлы Отан соғысы» ұғымы 1941 жылғы шілденің 3-інде Сталиннің радио арқылы сөйлеген сөзінен кейін пайда болған деген пікір бар. Сталин өз сөзінде «ұлы» және «отан» деген сөздерді бөлек-бөлек, бір-бірімен байланыстырмай қолданды. «Ұлы Отан соғысы» сөз тіркесі көптеген басқа тілдерде де қолданылады (орыс. Вели́кая Оте́чественная война́, ағылш. Great Patriotic War, нем. Großer Vaterländischer Krieg), кейбір авторлар «Екінші Дүниежүзілік соғыстың шығыс майданы» деген сөз тіркесін қолданады (бұл Германия қолданған «шығыс майдан» деген ұғымға жақын).
Осы күнге дейін 9-мамыр жеңіс мерекесі ретінде аталып, арнайы мерекелік іс-шаралар аталып келеді. Соның бірі «Өлмес полк» – Екінші дүниежүзілік соғыс ұрпағының жеке жадын сақтауға арналған халықаралық қоғамдық азаматтық-патриоттық қозғалыс. Жеңіс күніне қатысушылар жыл сайын қала көшелерімен өздерінің туыстарының есімдерін мəңгі қалдыру үшін – армия мен флоттың ардагерлері, партизандар, қарсыласушылар, тыл еңбеккерлері, концлагерьлердің тұтқындаушылары, блокадалар, соғыс балалары суреттерімен шеру өткізеді. Және барлық Қазақстан қалаларында саябақтарда арнайы соғыста қаза тапқан ата-бабаларымызға есімдері жазылған арнайы тақташалар орнатылған.
Сонымен қатар 1941-1945 жылғы соғыс жайлы кинолар да аз емес. Соның ішінде қаракөз батыр қыздарымыз жайлы кинолар да арнайы түсірілген. Мына деректі фильмдер сол қайсар қыздарымызға арналған: «Батырлар елі. Алия Молдағұлова», «Əлия Молдағұлова», «Қазақтың батыр қызы – Мəншүк Мəметова», «Қазақтың батыр қыздары».
Неменеге жетiстiң, бала батыр?
Қариялар азайып бара жатыр.
Бiрi мiнiп келместiң кемесiне
Бiрi күтiп, әнеки, жағада тұр! – деп Мұқағали ақын жырлағандай ұлы отан соғысы ардагерлері де азайып жатыр. Біздің болашағымыз бен бейбіт аспанымыз үшін өздерін жауға қарсы күресте жанын қиюға дайын болған қарияларымызды, қарттарымызды қадірлейік, жеңісті күндеріміз көп болсын!
Абуов Кайырбек
Шымкент қаласының кәмелетке толмағандардың істері жөніндегі мамандандырылған ауданаралық сотының кеңсе меңгерушісі
