Байзақ аудандық сотының төрағасы Е.У.Тилеубековтың қатысуымен тергеп-тексеру барысында медиацияның қолданылуын жандандыру мақсатында онлайн режимінде «Дөңгелек үстел» өткізілді.
«Дөңгелек үстелге» судья А.С.Назаркулов, Байзақ аудандық Билер кеңесінің төрағасы М.Болатбеков, Билер кеңесінің мүшелері Р.Азизов, Ж.Құмғанбаев, Байзақ аудандық прокуратурасының прокуроры Е.Тұрғынбайұлы, Байзақ аудандық полиция бөлімі бастығының орынбасары Ж.Мамытов қатысты.
Іс-шара барысында Е.У.Тилеубеков Қазақстан Республикасы президенті Қ.К.Тоқаевтың 01.09.2020 жылғы Жолдауында айтып өткен медиация институтын жандандыру бойынша тапсырмасын орындау мақсатында, сотқа дейінгі тергеп-тексеру барысында татуластыру рәсімдерін қолдану арқылы тараптардың бітімгершілікке келіп, қысқартылуға жататын санаттағы қылмыстық істерді медиация тәртібімен қысқартуда Билер кеңесін қоса отырып қысқарту қажеттігі бойынша тоқталды.
Төрағалық етуші аталған іс-шараға қатысушылардың тапсырманы бірлесіп орындау қажеттілігін, бұл бағыттағы жұмыстарын жандандыруды ұсынды.
Байзақ аудандық полиция бөлімі бастығының орынбасары Ж.Мамытов өз сөзінде сотқа дейін тергеп-тексеру барысында Билер кеңесіне тараптар арасында татуластыру рәсімдерін тереңірек түсіндіру кеңестерін өткізуге шақырып, да тығыз өзара әрекеттестікте жұмыс атқару қажет деген шешімге келді.
«Дөңгелек үстелге» қатысушылар пікір алмасып, ұсыныстарын келтіріп, тараптар арасында татуласу рәсімін өткізу үшін өз тараптарынан атсалысатындарын айтып жеткізді.
Байзақ аудандық сотының
баспасөз қызметі
