Шымкент қаласы Абай аудандық сотында бүгінгі күнге дейін, барлығы 41 азаматтық іс медиация тәртібімен аяқталған.
Оның ішінде, төтенше жағдай режимі енгізілгеннен бері медиация тәртібімен некені бұзу туралы 4 іс және баласы үш жасқа толғанға дейін алимент өндіру туралы 2 іс аяқталған. Бұл істер бойынша тараптар мобильдік қосымшалар арқылы сот отырыстарына қашықтықтан қатысу арқылы медиация тәртібімен бітімге келген.
Абай аудандық сотының судья-медиаторы мобильдік қосымшаларды пайдалану арқылы қашықтан тараптарға медиация тәртібі мен тиімділігін түсіндіріп, татуласу тәртібімен бітімге шақыруда.
Қазіргі ТЖ кезеңінде медиацияны қолдану деңгейін көтеру мақсатында «Facebook» әлеуметтік желісінен «Правовая медиативная помощь. #үйдеболайық» тобы ашылған. Бұл топқа тіркелу арқылы азаматтар құқықтық кеңестер ала алады.
Қазақта «Алтау ала болса – ауыздағы кетеді, төртеу түгел болса -төбедегі келеді» дейді. Халқымыз бірлігін берік ұстап, татулықты ту еткен. Сондықтан да, татуластыру тәртібімен дауды шешу бүгінгі төтенше жағдай кезінде өте қажетті рәсім болып отыр!
С.Тоқбергенов, Абай аудандық сотының төрағасы
