Елбасы «Қазақстандықтардың əл-ауқатының өсуі: Табыс пен тұрмыс сапасын арттыру» атты Жолдауында жыл сайын 4 миллион азаматымыз сотта қаралатын іске қатысатынын, бұған қаншама күшпен қаражат жұмсалатынын, уақыт пен ресурстардың орынсыз шығынын талап ететін артық сот рəсімдерінің қысқаруға тиістігін атап өткен еді. Статистика бойынша ажырасуға 85 пайыз жағдайда əйелдер арыз-шағым түсіреді екен.
Отбасылық институтты əрі қарай жетілдіру мақсатында жəне некеге тұруды жоспарлаған жас жұптарға медиативтік тəсілдерді үйрету, отбасындағы дауларды медиация арқылы шешу секілді мəселелер бойынша “Республикалық медиаторлар Қауымдастығы” зтб президенті, тренер-медиатор Оразкулова Н.А. Шымкент қаласы “SHANYRAQ» Отбасы институтын қолдау орталығында «Отбасы медиациясы» тақырыбында тренинг-семинар өткізілді.
Бүгінгі күні отбасы тақырыбында өткізілетін іс-шаралар ауадай қажет екеніне көзіміз жетіп отыр. Отбасы болғандықтан ыдыс-аяқ сылдырламай тұрмайды. Кез келген келіспеушіліктер əр отбасында болуы мүмкін. Бірақ сол жанжалды ушықтырмай дер кезінде шешуге қол жеткізу жолдарын дамыту, бүгінгі күнде қай жиынның болса да басты тақырыбына айналып отыр. Қазақстан Республикасының «Неке (ерлі-зайыптылық) жəне отбасы туралы» Кодексінде ерлі-зайыптыларға бала тəрбиелеуде теңдей міндет жүктейді. Өкініштісі, көптеген ата-ана бүгін осы жауапкершіліктің салмағын сезінбей жүр. Жиында отбасы медиациясы жəне медиативтік тəсілдерді қолдану, қоғамдағы тұрақтылық кепілін нығайту бойынша пікір алысып, алдағы уақытта отбасылық дауларды алдын алу шараларын іске асыру, үгіт-насихат жүргізу барысы талқыланды.
Halyqmediatory ақпарат.
