Брифинг Шымкент қаласы бойынша Соттар әкімшісінің атқарған жұмысы бойынша Шымкент қаласының ақпараттық коммуникациялық орталығында өтті.
Спикерлер ретінде кеңсе меңгеруші Әкежан Елшібаев және Ақпараттық қамтамасыз ету бөлімінің басшысы Қабыл Дүйсенби қатысты.
Ә.Елшібаев өткен жартыжылдықтың маңызды мәселесі – жаңа Әкімшілік соттың ашылуына бағытталған ауқымды жұмыс болғанын айтты. Бұл сот мамандандырылған соттар ғимаратында орналасқан.
Жаңа әкімшілік соттың судьялары мен сот мамандарын қала соттарының штатын көбейтпей, ішкі резерв есебінен жүзеге асырды. Жаңа әкімшілік сот орналасқан «Мамандандырылған соттар» ғимаратының 4-қабатында жөндеу жұмыстары да ішкі мүмкіншіліктер есебінен жүргізіліп, сот қызметкерлерінің кабинеттері қажетті жиһазбен және IT-жабдықтармен жарақтандырылды. Сонымен қатар, қолдағы барлық мүмкіндіктерді тиімді пайдаланып, фронт-офисті қажетті ұйымдастыру техникаларымен қамтамасыз етті.
Қазіргі уақытта азаматтар мен заңды тұлғалар мемлекеттік орган шешімінің, әрекетінің немесе әрекетсіздігінің заңсыздығы туралы талап арызбен осы сотқа жүгінуде. Әкімшілік әділет азаматтардың, заңды тұлғалардың құқықтары мен заңды мүдделерін қорғаудың ерекше тетігіне айналады.
Қ.Дүйсенби соттардағы іс-шаралары мен жаңалықтарды азаматтарға жеткізу телерадио, баспа, электрондық БАҚ және әлеуметтік желілер арқылы жүргізілетінін айтты.
Сот мамандары әлеуметтік желілерден жеке парақшаларын ашып, сот кеңселерінің мобильді телефон нөмірлері жарияланды. Мұндай қадам халықпен кері байланыс орнатып, сот қызметіне қатысты сауалдарға дер кезінде жауап беру үшін жасалды.
Азаматтардың құқықтық сауатын көтеру, заңнамалардағы өзгерістер мен сот жүйесіндегі жаңашылдықтарды халыққа жеткізу және медиацияны насихаттау мақсатында «Ontustik» телеарнасында ақпан айында «Сот және қоғам» бағдарламасын ашып, 9 тақырып бойынша хабар түсіріліп, эфирден көрсетілді.
Соттар әкімшісі басшысының бастамасымен сәуір айында, «Шаңырақ» отбасы институтын қолдау орталығымен, Медиация орталықтары басшыларының қатысуымен, ынтымақтастық туралы меморандум бекітілді.
Жыл басында Б.Мейірхановтың бастамасымен Шымкент қалалық сотының ғимаратында «Еркін аумақ» бөлмесі ашылып, мұнда сот қызметкерлеріне жұмыстан тыс уақытта бір сәт демалып, кітап оқуларына жағдай жасалған.
